AGUR TAILANDIA
Phuket utzi eta autobusez bueltatu ginen gure Bangkokeko etxera. Hainbat kontu geneuzkan Bangkoken egiteko. Lehenengoa Koldoren pasaporte berria jaso. Aurreko pasaportean orri zuriak agortzeke zeuden eta oraindik herrialde batzuetako bisak beharko ditugunez berria eskatu zuen. Bigarren gauza hortz klinika batetik pasa. Koldoren hagin bat minduta zegoen eta infekzio bat aurkitu zutenez hagin bat gutxiago dauka orain. Azkenik, gure bidaiako ekipai guztia berrantolatu eta txukundu. Gauza gutxi daramagu gainean baina sakabanatzen ditugunean gehiegi ditugula dirudi.
Phuket utzi eta autobusez bueltatu ginen gure Bangkokeko etxera. Hainbat kontu geneuzkan Bangkoken egiteko. Lehenengoa Koldoren pasaporte berria jaso. Aurreko pasaportean orri zuriak agortzeke zeuden eta oraindik herrialde batzuetako bisak beharko ditugunez berria eskatu zuen. Bigarren gauza hortz klinika batetik pasa. Koldoren hagin bat minduta zegoen eta infekzio bat aurkitu zutenez hagin bat gutxiago dauka orain. Azkenik, gure bidaiako ekipai guztia berrantolatu eta txukundu. Gauza gutxi daramagu gainean baina sakabanatzen ditugunean gehiegi ditugula dirudi.
Gure bizikleta maiteak hartzeko garaia iritsi
zen eta pedalei eragiteko irrikatan geunden. Bizikleta gainean agurtu genuen
hiri erraldoia. Batzuk zeruan bizi dira hemen
eta beste batzuk lurrean.
Ia hilabete egon ginen bizikleta hartu gabe
eta berriz hastea ez zen erraza izan. Alde batetik Bangkok bezalako hiri batetik bizikletaz irtetea ero samarra da eta
beste aldetik gure hankak berriz indartu arte denboratxoa beharko dugu. Gure
helburua Tailandia eta Kanbodia arteko hegoaldeko muga zen eta
hasierako egunetan trafiko dezente aurki genuen. Hori bai,
bizikletentzat eta motoentzat errepidearen ertzean tarte berezia dago
eta primeran etorri zitzaigun nahiko lasai ibiltzeko.
Tailandiako herrietan motoak dira errege. Ia inor ez da oinez ibiltzen eta
distantziarik motzena egiteko ere motoa hartzen dute. Oso gaztetatik hasten
dira motoak gidatzen.
Gure Tailandiako
bisa bukatzear zegoenez lehen bai lehen iritsi behar ginen Kanbodiako mugara. Tailandiako
egun hauetaz gauza handirik espero ez genuen arren ezusteko atsegina izan dugu.
Herri atseginak topatu ditugu kostaldera hurbildu garen heinean. Herrietako
merkatuak bizitzaz beteriko topaleku bihurtzen dira arratsalde partean bertan
antolatzen diren kaleko jantokiengatik. Ederki eta merke jan daiteke.
Hauetako herri batzuetan etxeak itsasoan sartuak
dauzkate arrantzaleek.
Alde batean Kanbodiako oihana eta beste aldean Tailandiako kostaldea geneuzkalarik egin genituen gure azken
kilometroak Tailandian.
420 km
izan dira Kanbodiarako mugaraino,
gehienak lauak, eta oinarri on bat izan dira berriz ere sasoian jartze aldera.
Etxean bidaia prestatzen geundenean ez genuen gauza handirik espero Tailandiaz, baina orain, herrialdea
uztera goazela, makina bat gauza eman
dizkigula konturatzen gara: lasaitasuna,
atsedena, janari oparoa, itsasoa…
eta garrantzizkoena, lagunak.
Animo bikote
ResponderEliminarorain gogorra egingo zaizue berriro lagunak uztea eta gainera berriro bizkletan hasi behar duzue ez al duzue perezik?????
Gaur azterketa elurrartean egin dugu. Izugarrizko hotz egiten du eta bi egun daramatzagu elurra ari duela
Ondo izan
Iñigo iloba
Egia esan oso oso arraroa egiten zaigu etxean elurra ari duela ikustea eta gu hemen izerdi patzetan. Ondo bebestu goxo goxo!!!
Eliminar